যুগ-যুগান্তৰ
মোৰ বন্দীত্ব ।
মান-মৰ্যদা সম্ভ্ৰমৰ
কৃত্ৰিম আভৰণ
তোমালোকৰ দেহত ।
সুৰুঙা পালেই
উন্মুক্ত হৈ
তচ্ নচ্ কৰিব খোজো
তোমালোকৰ মুখা ।
টুলুং ভুটুং হ'ব খোজে
সজ্জনৰ নাও ।
তোমালোকৰ বাবেই
আজি মোক
স্বাধীনতাৰ প্ৰয়োজন
অন্তত এদিনৰ বাবে ।
সংগোপনে এদিন
জনাৰণ্যৰ পৰা
প্ৰকৃতিৰ বুকুলৈ আহিবা ।
আজুৰি ছিঙিম
তোমালোকৰ
সমস্ত বল্কল
খুলি দিম জিভাৰ সমস্ত গাঁঠি ।
আদিম আৰু অশ্লীলতাৰ
মুকলি দলিচাত
হিয়া উজাৰি
পালন কৰিম
মই মোৰ স্বাধীনতা দিৱস ।
সৌৰভ কুমাৰ বৰুৱা
উঃ লখিমপুৰ ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ