তুমি হৈ ফুলিছা ৰজনীগন্ধা ।
মধুচন্দা, , , , , , , , , , , , , , , , !
নাজানো এইয়া প্ৰেম নে অপ্ৰেম-------------?
মাথো তোমাৰ নামত ৰুই থৈছো
প্ৰতিজোপা -- মোৰ পুষ্পৰ কাননত ।
সৰা পাতে পাতে তোমাৰ মৰম বুটলো
ফুলৰ পাপৰিত চুমা যাচো -----সাবটো-----------
অলেখ মৰমেৰে --------------।
নিয়ৰ সেমেকা ৰাতি নিস্তব্ধ নিশাটিত
দীঘল উশাহেৰে অন্তৰৰ নিৰ্ভৃত কোণলৈ
সুবাসৰ মৰমবোৰ জোৰকৈ টানি লওঁ।
কিজানিবা -------'----------
কিজানিবা মলয়াৰ সুবাসতেই তোমাৰ সহাৰি পাওঁ।
অশোক ,পাৰিজাত ,শেৱালি হৈ সৰিছা মোৰ চোতালত ।
কোঁচ ভৰি বুটলো হেপাহৰ জোলোঙাত -------------
তথাপিও -------------------
তথাপিও সুৰুযৰ হেঙুলীয়া আভাই মোক
ইতিকিং কৰে।
প্ৰতিবছৰে কপৌফুল হৈ ফুলিছা
বসন্তৰ উদুলি মুদুলি পৰত
মোৰ হিয়াৰ মাজত ।
যন্ত্ৰণা কাতৰ বিদায়ৰ বেলাত
তোমাৰ বৃষ্টি হব মোৰ দেহৰ ভাজত ।
এইয়াই হব জীৱনৰ শেষ সান্নিধ্য ।
🔰ৰুমী কলিতা দত্ত
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ