আকাশখন?
চৰাইবোৰ ?
প্ৰিয় গছবোৰ ক'ত?
মানুহবোৰ আজি বন্দী!
এই কথা
প্ৰকৃতিয়ে নাজানে ৷
পৃথিৱীৰ অসুখ,
ৰক্তিম সুৰুযৰ
প্ৰচণ্ড উত্তাপত
কাম কৰা জনগনৰ
জীয়াই থকাৰ হাঁহাকাৰ
আজিৰ দৰে জীয়াতু
ভুগিব লাগিব অনেক দিন ৷
মানুহে মানুহৰ বাবে ৰৈ আছে
নিস্তব্ধ পৃথিৱীত
এমুঠি খাই,এমুঠি নাখাই
অন্তহীন অভাৱৰ যাত্ৰাত সিহঁত ৷
বেলি উঠে
আৰু ডুব যায়
নদীৰ বুকুত
কি যে আনন্দৰ দিন আছিল,
উৎসাহেৰে ওলাই আহিছিল
দিনবোৰ উপভোগ কৰিবলৈ
দুচকুত ৰঙীন সপোন লৈ ৷
পৃথিৱীৰ বুকুত
জঁপিয়াই পৰিছিল
এজাক মানুহ,
আজি, পৃথিৱীয়ে কান্দিছে
মানুহবোৰে কান্দিছে
অথচ মানুহবোৰ দায়ী
বিশাল প্ৰকৃতিৰ ওচৰত ৷
📝প্ৰণৱ খাৰজাৰা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ