ভূমিষ্ঠ হোৱালৈ
কিম্বা পলুৰ পৰা
পখিলা হোৱালৈ
যুদ্ধৰ পৰা শান্তিলৈ
মহামাৰীৰ পৰা
প্ৰকৃতিৰ প্ৰকৃতিস্থতালৈ
সকলো স্বয়ংক্ৰিয়
নিদাৰুণ কষ্টকৰ
এক কঠিন সময় ।
ঈশ্বৰীয় উদ্দেশ্যত
সমাগত পৰিৱৰ্তন
অৱশ্যম্ভাৱী
মহাকাশ, ব্ৰহ্মাণ্ড
কিম্বা পৃথিৱী আৰু
ইয়াৰ প্ৰাণীকুল
প্ৰকৃতি সকলোতে ।
মেকুৰীৰ অথবা
বান্দৰ পোৱালিৰ দৰে
প্ৰয়োজন মাথো
একান্ত আত্মসমৰ্পণ
মহাশক্তিধৰৰ ওচৰত ।
হ'ব পাৰে এক
যুগৰ পৰিৱৰ্তন ।
হিংসা, শত্ৰুতা, হত্যাৰ
বিপৰীতে হয়তো
প্ৰতিষ্ঠা হ'ব পাৰে
প্ৰেম, অহিংসা আৰু
মানৱীয়তাৰ এখন
নতুন পৃথিৱী ।
📝 সৌৰভ কুমাৰ বৰুৱা
উঃ লখিমপুৰ
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ