'মাজুলী' , তোৰ কি গুণত
আপ্লুত হৈ
সাত সাগৰ
তেৰ নদী
পাৰ হৈ আহে পৰ্য্যটক ?
কল্পনাপ্ৰৱণ
বিদেশীসকল আহে
নৈ -বিল , খাল -ডােল
গছকি ,
নদী -দ্বীপৰ আকৰ্ষণত ?
যদিও, নদীয়ে ঘেৰা মাজুলীত
পানীয়ে লিখে
জীৱনৰ দুৰ্ভােগবােৰ ,
নদীৰ সােঁতত উটি যায়
মাজুলীবাসীৰ
জীৱন সংগ্ৰামৰ
চকুলোবােৰ ॥
তথাপিও
মাজুলীৰ সৃষ্টি
কৃষ্টি সংস্কৃতি
সকলোতকৈ শীৰ্ষত ॥
শীতৰ বালি চাপৰিত
লিখা থাকে
মাজুলীৰ সত্ৰৰ
ঐতিহ্যবােৰ ।
শৰৎ পূৰ্ণিমাৰ
ৰাসৰ মনােৰম সংস্কৃতিৰ
কৃষ্টিনন্দন দৃশ্য
অতুলনীয়,
দুৰ্ব্বাৰ আশা লৈ আহে লোক
ৰাসোৎসৱ উপভোগ কৰিবলৈ ॥
সত্ৰৰে ঘেৰা
মাজুলীৰ ঐতিহ্যৰ শিখাক দেখি
বুজিবলৈ
ধপলিয়াই আহে
সংস্কৃতিপ্ৰেমী -
সূদুৰ পশ্চিমীয়া
বিদেশী পৰ্যটক ॥
মাজুলী আই তােৰ
আঘোণৰ হালধীয়া সৰিয়হৰ
পথাৰৰ তেলেতীয়া গোন্ধত
নাক উজাই লওঁ (!) ,
অ মােৰ মাজুলী আই ।
তোৰ পলসুৱা মাটিত
শস্য শ্যামলা
আহু - বাওধানৰ
গােন্ধে ভৰায় ভৰালবােৰ ।
নৈ - বিল
খাল - ডােলত
ৰৌ - চিতল
পাভ - দৰিকণা
কাৰণাে নাচাবা লুটি,
মাছৰ দপদপনিত
মাছুৱৈৰ হেনাে
টােপনি নাহে ৰাতি ।
আইতাৰ চৌকাত
খৰিকাত দিয়া
মাছৰ তেলৰ জুই
দেখিছানে কেতিয়াবা ?
দুহাতেৰে খাওঁ মাছ
মন ভৰি
পুঠি- খলিহনা পুৰি ॥
নদীৰ খলখলনি
শাওণৰ বৰষুণ
নদীৰ গৰাৰ
চপৰা - চপৰ শব্দত
হিয়া ভাগে
মাজুলী আইৰ ।
তথাপিও নদীখনে
উটুৱাব পৰা নাই
মাজুলীৰ
সংস্কৃতি আৰু ঐতিহ্যবােৰ ।
নদীয়ে অত্যাচাৰ কৰিলেও
মাজুলী আইৰ
মাটিৰ গোন্ধ
মাটিৰ মৰম
নেওঁচি যাব কোন ?
প্ৰকৃতিয়ে লৈয়াে যায়
প্ৰকৃতিয়ে দিয়াে যায়
সোণ - পলসুৱা মাটি,
য'ত শস্যই কথা কয়
য'ত মাছে কথা কয়
ত,তেই জীৱনৰ সেউজীয়া
সপোন দেশে
কৃষকে কৃষকে ॥
বুকুৰ কলিজাৰ মাজেদি
ঢলে অহা-যোৱা কৰিলেওঁ ,
"মাজুলী আমাৰ আই" -
আমি কিয় মাজুলীক এৰিম ।
সত্ৰীয়া, ঝুমুৰা, চালি, মাটিআখৰা
নৃত্যৰ
হাতৰ মুদ্ৰা - ভংগীমাত
নিহিত হৈ থাকে
সংস্কৃতিপ্ৰেমী মানুহৰ
নীবিড় প্ৰেম, শ্ৰদ্ধা, কৃষ্টিৰ মহিমা ॥
মাজুলীবাসীৰ
হাড়ে হাড়ে
তেজে তেজে
লিখা আছে
কৃষ্টি - সংস্কৃতিৰ প্ৰতি
অগাধ প্ৰেম ॥
শত সহস্ৰ পথিকে
মাজুলীৰ ধুলিকণা
মাটি বায়ুত
লিখি থৈ যায়
সুন্দৰ সংস্কৃতিৰ কথা ॥
কৈ যাম মই
চিঞঁৰি চিঞঁৰি
মাজুলী আই তোমাৰ গুণৰ
তুলনা নাই ॥
ইতিহাসেওঁ নাপাহৰে
তোমাৰ গুণ,
সৌ পশ্চিমীয়া দেশ
তোমাৰ ৰূপ - গুণত মুদ্ধ,
মাজুলী আই -তোমাৰ গুণৰ তুলনা নাই,
সচাঁকৈ, তোমাৰ তুলনা আই ॥
📝 কবি : মীনা পামে গাম
চিপাঝাৰ, দৰং, অসম
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ