এজাক জোনাকী নামে

তুমি আহিলেই

মোৰ চোতাললে

মৃদু মলয়া বলে,

তুমি হাঁহিলে

মোৰ কাননত

গোলাপ, তগৰ ফুলে ।

তুমি কথা ক'লে

দুচকু জপাইও

মই অনুভৱ কৰিব পাৰো

তোমাৰ হৃদয়ৰ গভীৰতা

মনৰ পৰশেৰে!!

মোৰ সপোনৰ ৰামধেনু

তোমাৰ দুচকুৰ পতাত জিলিকে--

তাৰেই কিছু ৰঙেৰে

তুলিকাৰে বুলাব খোজো দুয়োৰে বাট

মনৰ হেপাহেৰে ।।

তুমি কাষত থাকিলে 

এন্ধাৰৰ সিপাৰৰ পৰা 

মোৰ পদূলিলৈ

তিৰবিৰাই তিৰবিৰাই

এজাক জোনাকী নামে----

উজ্বলাই মোৰ হিয়াৰ কোঠৰী

কোনেও নজনাকে ।।

📝ডঃ কুঞ্জলতা গগৈ, ডিব্ৰুগড় ।