বহাগ তই এইবাৰ "মাহ" হৈয়ে থাক ।
গাভৰু তই ছােৱালী হৈয়ে থাক
এইবাৰ তই "নাচনী" নহবি ।
কুলি তই সুৱঁদি মাত হৈয়ে থাক
বিহু সুৰীয়া সুৰেৰে গীত নুজুৰিবি
মন বননিত ।
কুলি - কেতেকী
নিবিনাবি মন গহণত,
জাননে তই -
সহোদৰৰ মৃত্যুৰ কিৰিলী ?
দুখৰ বীণ বজাই
আছাে জীয়াই ॥
কেনেকৈ বিহু পাতো
সহোদৰৰ মৃত্যুৰ পাহাৰৰ
নিশাৰ চিঞঁৰবােৰে
কেনেকৈ ৰাউচি জুৰিছে !
বিহুঢােল - তই যন্ত্ৰ হৈয়ে থাক
ঢুলীয়াক মাতি
বজাব নিদিবি,
আতংকৰ দিনত ।
কপৌ' কেতেকী ফুলৰ
সুন্দৰতাই ,
টলাব নোৱাৰে
মানুহৰ মন ।
ভাহি গৈছে পৃথিৱী
কেনেকৈ নাচিবি
চোতালত ভাইৰ
মৃত্যুৰ কিৰিলী
শুনা নাই তহঁতি ??
📝মীনা পামে গাম
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ