স্ব-ইচ্ছৰে তাই জগত জিনিছিল
ক'ৰ'বাত কিবা ভুল দেখিলে
তাই মাত মাতিবলৈ অলপো সংকোচ নকৰিছিল
নিৰ্ভয় মনেৰে তাই যুঁজ দিছিল ।
কিন্তু মইনা চৰাই এজনী
নিজৰ মাতটোৰ বাবেই কাৰাগাৰবদ্ধ
আজি কি হ'ল ?
তাইৰ দেহৰ প্ৰতিটো দেৱাংগ
তাইৰ অনুমতিৰ অবিহনেই
মুখাপিন্ধা দেৱতাৰূপী দানৱৰ হাতত জাহ গ'ল ।
আজি তাইৰ কি হ'ল ?
তাইৰ মন প্ৰতাৰণাই ভাঙি চূৰ-মাৰ কৰি গ'ল ।
নাই নালাগে তাইক
মৌখনা কথাৰে দয়া দেখাই
তাইক অকটা প্ৰতাৰণা কৰিবলৈ ।
নাই নালাগে তাইক
মিছা সাহস দি নৰকলৈ ঠেলা দিবলৈ
আজি তাই এক অজান ঠাইত
মুকলি আকাশৰ তলত
এজনী দেৱশিশুৰ দৰেই মন লৈ
শূণ্য আৱেগভৰ্তি এজনী পাগলী হৈ গ'ল ।
📝দিগন্ত দাস
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ