তোমালোক নতুন যুগৰ
নৱ প্ৰভাতৰ সোণালী ৰেখা ।
সৃষ্টিৰ তোমালোক নতুনকৈ গজি উঠা
একো একোটা বীজ ।
তোমালোক সৃষ্টিৰ প্ৰাথমিক
এক প্ৰাথমিক অৱস্হা ।
থাকিব লাগিব আপোন লক্ষ্য ,দৃষ্টিভংগী তীক্ষ্ণ !
জীৱনৰ যৌৱনোদীপ্ত বয়সত
হব লাগিব সবল শাৰীৰিক তথা মানসিকভাৱে ।
প্ৰচুৰ সম্ভাৱনাময় আৰু সকলো ধৰণৰ উদ্দীপনাৰ ভৰপূৰ
তোমালোক দেশৰ ধৰণী ।
মন মগজুত জগাব লাগিব
অসীম উৎসাহ উদ্দীপনাৰ।
নামিবও পাৰে যৌৱনৰ প্ৰাচুৰ্যত বৰ্ষাৰ ঢল
সপোনৰ সমাৰোহ জীৱন নদীৰ ঘাটত ।
লিখিব লাগিব সুখৰ বাৰ্তা
হৃদয়ৰ পাতে পাতে !
এতিয়া তোমালোক বহু প্ৰশ্নৰ গ্ৰাসত
এখন নতুন পৃথিৱীৰ সন্ধানত ।
যৌৱনৰ বলিয়া বানত উটিব নুখুজিবা ।
একবিংশ শতিকাৰ সভ্যতা জখলাত
দৌৰি দৌৰি বগাই যোৱা
নতুন পৃথিৱীৰ সন্ধান কৰা ৷
ক্ষুধাৰ্ত শত -সহস্ৰ
বিৱৰ্ণ মোৰ স্বদেশ ।
এই সময় দুঃসময় ।
অ'
নতুন যুগৰ যাত্ৰী
সেয়ে সন্ধান কৰা এখন নতুন পৃথিৱী ।
📝ৰুমী কলিতা দত্ত
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ