তেওঁলোকে এইবৰ্ষৰ পহিলা জানুৱাৰীৰ পৰা কাৰ্যকৰী হোৱাকৈ এটা শুভকামৰ শুভ আৰম্ভণী ঘটাইছে | কামটো হ'ল তেওঁলোকে এখন দৈনিক ই - আলোচনী প্ৰকাশ কৰিবলৈ লৈছে | কামটো জটিল | জটিল বুলি জানিও অসমীয়া সাহিত্যৰ চানেকি নামেৰে এখন ই আলোচনী জন্ম দিলে | কামটো খুবেই জটিল |
বিৰতিহিন ভাবে আজিলৈ কেবাটাও শিতানেৰে সমৃদ্ধহৈ ই - আলোচনীখনে গতি লোৱাটো আমাৰ দৃষ্টি গোচৰ হৈছে | এখন আলোচনীৰ কাম কৰাটো কিমান জটিল সেয়া আলোচনীখনৰ সৈতে জড়িত হৈ থকাখিনিয়েহে উপলব্ধি কৰিব পাৰে | এখন মাহিলি আলোচনীৰ কাম কৰাটোৱেই কিমান কষ্টসাধ্য, তাতে আকৌ দৈনিক | ৰিণ্টুহঁতে কৰা দৈনিক আলোচনীখনৰ কাম কিমান দুৰুহ আৰু কষ্টসাধ্য আমি অনুমান কৰিব পাৰিছোঁ তাৰবাবে তেওঁলোক ধন্যবাদৰ পাত্ৰ |
আলোচনীখন কবিতা,গল্প,ৰসৰচনা,প্ৰৱন্ধ,উপন্যাস আদি ভিন্নস্বাদৰ ৰচনাৰে সমৃদ্ধ হোৱাকৈ সজাবলৈ প্ৰয়াস কৰিছে | একেবাৰে পানী কেচুৱা অৱস্থাত থকা দুই এটা ভূল থকাটো কোনো অস্বাভাৱিক নহয় | তথাপিও তাৰ এটা সুন্দৰ ভৱিষ্যত যে আছে তাৰ ৰেঙণি আমি দেখিছো | ধাৰাবাহিক উপন্যাস ৰুণজুন, বেবেৰিবাং, আধৰুৱা প্ৰেমৰ কাহিনী একোখন সুখপাঠ্য উপন্যাস হৈছে | তাৰোপৰি সমসাময়িক ঘটনাৰাজিৰ বিষয়বস্তুৰ লেখাও আলোচনীখনত প্ৰকাশ পাইছে | ইয়াত প্ৰকাশ পোৱা কবিতাখিনিৰ মানো উন্নত | আলোচনীখনৰ উজ্বল ভৱিষ্যত কামনা কৰিলো |
📝হেমেন হাজৰিকা (মিৰ্জা)
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ