অলপতে ঘটা কথা,
নিজ চকুৰেই দেখি আহিলোঁ
নেমাতো অকনো মিছাঁ
'পহুমৰা গলো পহু বিচাৰি
পহু যে এটাও নাই,
নাওবৈচা গলো নাও বাবলৈ
নাঝ যে এখনো নাই ।
'হাতীলুং---গ'লো হাতী বিচাৰি
হাতী এটাও নাই,
বাট পথবোৰ আহল -বহল
লুংলুঙীয়া বাট নাই ।
বগলীজানত ঢেৰ বগলী
তাকেই চাবলৈ গলো,
বগলী নাই কেৱল ছাগলী
দেখি আচৰিত হলো ।
এঙাৰখোৱাত এঙাৰ খায় কথাটো সঁচানে বাৰু?
মই যেতিয়া প্ৰমাণ চালো
হিতে বিপৰীত আৰু !
পুৰণি নাম এঙাৰধোৱাহে
বৃটিছে লগালে লেঠা,
কোনেও তাত এঙাৰ নাখাই
একেবাৰে সচাঁ কথা ।
সাপৰ শিং দেখিছানে তুমি
নোম গজা ভেকুলী পিঠিত,
জীয়া ফাঁকি যদি একে উশাহে
মাৰা দুভুকু মাটিত ।
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ