যোৱা সংখ্যাৰ পিছৰ পৰা
সাধাৰণতে অসমীয়া নৱবৰ্ষৰ প্ৰথম ব'হাগৰ দিনা হানাঘোঁৰা তুলিবৰ বাবে দেউৰাৰ ঘৰত পূজা কৰা হয় ৷
পূজাৰ বাবে আৱশ্যক হয় কুকুৰাৰ কণী দুটা , চাউলৰ গুৰী , সৰু কুকুৰা পোৱালী এটা , মদ আৰু সেন্দুৰৰ প্ৰয়োজন হয় | পিছত যথা বিহিত ৰীতি - নীতিৰ মাজেৰে হানাঘোঁৰাৰ পূজা কৰা হয় | পূজাৰ শেষত উপস্থিত থকা সমূহ ৰাইজে হানাঘোঁৰাৰচাৰিওফালে ঘূৰি ঘূৰি হাত চাপৰি বজাই বজাই নাচে ,নাচি নাচি গায়
আদা ৰুঙতে
হায় হায় কচু ৰুঙতে
পকা ধান বান্দৰে খালে
তিল তিল মাৰঙতে ৷
মহ মাৰঙতে
খুখলি বিহ উঠিল
চাপৰ মাৰঙতে ৷
নদী হাঠাঙতে
গাৰা ঘুকুঙতে
চেঙ মাছে কামাৰি গেল
লেতু ধৰঙতে ৷
শামুক তুলুঙতে
শামুকৰ ডাঢ়ি বিন্ধি গেল
হাতৰ তালাতে ৷
উক্ত নৃত্য গীতৰ শেষত আনন্দ কৰাৰ মানসেৰে ঘুম-তুকু , তুকু--তুকু ,ঘুম--তুকু , তুকু --তুকু শব্দ কৰি বজায় ৷
পিছত ঘোঁৰাৰ ডিঙিত চুই গায়
চাইৰত চাইৰত চাই কতিয়া
কমলা চানা গাখীৰ কটোৱা
হুৰ ৰ ৰ ৰ হুই ৷
চাইৰত চাইৰচ চাই কতিয়া
আমাৰ মদ খাই দুই ৰাতিয়া
দাউৰি যায় কাটিলং
আয়ো হয় নিচিনি কলৰ পাত
তপত ভতে চেঁচা হয়
অ দায়া ঐ কিমান দূৰ বাট ৷
আগলৈ
📝হেমেন হাজৰিকা
মিৰ্জা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ