ধূসৰ

হয়তো সমস্ত ত্যাগ 

হেৰুৱাই পেলাইছো

নাইবা ত্যাগে মোক 

হেৰুৱাই পেলাইছে

হয়তো প্ৰাপ্তি-অপ্ৰাপ্তিবোৰ 

হেৰুৱাই পেলাইছো

অথবা প্ৰাপ্তি-অপ্ৰাপ্তিবোৰে মোক হেৰুৱাই পেলাইছে

হয়তো সমস্ত সুখ-দুখবোৰ হেৰুৱাই পেলাইছো

নাইবা সুখ-দুখে মোক হেৰুৱাই পেলাইছে

হয়তো সমস্ত আপোন সকল হেৰুৱাই পেলাইছো

নাইবা আপোন সকলে মোক

হেৰুৱাই পেলাইছে

হয়তো সমস্ত আশা-নিৰাশা

হেৰুৱাই পেলাইছো

অথবা আশা-নিৰাশাই মোক হেৰুৱাই পেলাইছে 

হয়তো সমস্ত অতীত 

হেৰুৱাই পেলাইছো

নাইবা অতীতে মোক 

হেৰুৱাই পেলাইছে 

তেনেকৈয়ে থাকচোন 

সমস্ত  ধূসৰতাৰ ধ্ৰুপদী লয়লাস 

কোনে বা কাক এৰি গ'ল !

শূন্যতাৰ ওজন জোখা

তুলাচনী বা ক'ত ?

দেহৰ আকৰ্ষণত

জীৱন বিৰোধী অণুজীৱৰ

সামূহিক প্ৰেম 

সপোনত ডাৱৰৰ সিপাৰে

ধুনীয়া দেশ ।

    📝সৌৰভ কুমাৰ বৰুৱা