অ-প্ৰতিৰোধ্য এক
অ-প্ৰতিদণ্ডী সত্তা তুমি |
হাঁহিৰে হৃদয় জিনিব পৰা
য'ত বয়সেও হাৰ মানে
তেনে আবিৰেৰে ধন্য তুমি
তৰুণ গগৈ |
অধিবক্তাৰ পৰা
সংসদৰ মজিয়ালৈ
মসৃণ তোমাৰ অবিৰত যাত্ৰা
আইন মন্ত্ৰী তুমি ভাৰতবৰ্ষৰ
ছয়বাৰৰ বিধায়কো তুমি
স্বনামধন্য মুখ্যমন্ত্ৰী |
স্পৰ্শবিহীন তুলাচনীত
চিৰ তৰুণ
কাৰণ তৰুণ গগৈ তুমি |
নামতো তৰুণ তুমি
কামতো তৰুণ
কথাতো তৰুণ
আনকি তুমি বিহিনতাতো
হৈ ৰ'বা তুমি তৰুণ
কাৰণ নাম তোমাৰ
তৰুণ গগৈ |
অনাবিল জীৱন যাত্ৰাৰ
বৰ্ণিল পৰিক্ৰমাৰে
আন এক অটল বৃক্ষ তুমি
সময় সাক্ষী হৈ
তোমাৰ গুণকে গাব |
আপোচহীন তোমাৰ
জীৱন সংগ্ৰাম
স্বৰ্ণিল ইতিহাস হৈ
তৰুণ হৈ জিলিকি ৰ'বা
কথা একেটাই
নাম যে তৰুণ তোমাৰ |
📝হেমেন হাজৰিকা (মিৰ্জা)
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ