আশাৰ ৰেঙণি

প্ৰতি পলে পলে চিঞৰে 

ক্ষোভৰ মূল্য সুঁৱৰি 

প্ৰতি আঘাতে বুকু ভেদি যায়

ভয়ত মাথোঁ জিলিকে ছবি - - - !!

ইতিহাস সুঁৱৰি প্ৰতিটো ফাগুন আহে 

ব'হাগ আহে 

সাজি যায় দুখৰ সমাধি ।

চকুৰ লোতকেৰে সুঁৱৰাই ৰঙাকৈ তেজৰ টোপাল ।

বিষাদৰ বুকুত জিলিকি উঠে 

সীমাহীন ঘৃণাৰ ছবি 

প্ৰাণত অপ্ৰাপ্তিৰ পঁজা সাজি 

ৰৈ যাব যুগৰ অৱশেষ- - - !!

 প্ৰতি গাঁৱে গাঁৱে জিলিকি ৰ'ব

দুখৰ সেমেকা চাকি 

ভাহি আহিব হিয়া ভগা কান্দোন 

হ'ব পাৰে যুগৰ সমাধি - - - !!

দুচকুত সীমাহীন ছবি 

আকৌ জিলিকি ৰ'ব আশাৰ ৰেঙনি

আকৌ জিলিকি ৰ'ব আশাৰ ৰেঙণি।

📝 ৰুমী কলিতা দত্ত