নৃত্য----বগেজাৰী মুদ্ৰাৰ জৰিয়তে নৃত্য কৰা হয় | বহুৰঙী মুদ্ৰাৰ জৰয়তে নৃত্যকৰা হয় যদিও গানৰ কথাৰ অংগী--ভংগীৰেও নৃত্য কৰা দেখিবলৈ পোৱা যায় | বগেজাৰী গীতত হালি-জালি ,কঁকাল হেলাই নাচে | বহুৰঙী গীতত সেইদৰে কঁকাল নেহেলাই ঠিয় কঁকালে নাচে | বগেজাৰী নৃত্যত কিছু মুদ্ৰাৰ নামকৰণ কৰা হৈছে ---মাদলৰ তালক আলম লৈ এক তালৰ ,দুই তালৰ , তিনি তালৰ ,চাৰি তালৰ ,পাঁচ তালৰ হালি--জালি , নিছিলা , জাংখা , বেং ,বক মুদ্ৰা আদি |
বাদ্য যন্ত্ৰ ---- বগেজাৰী আৰু বহুৰঙীৰ বাদ্যযন্ত্ৰ সকলোবোৰ একেই | মাদল ডুগুৰী , শিঙা ,থৰকা , খুঁটিতাল , বাদুংদুপ্পা ,বাঁহী | বগেজাৰীত লহি তালত মাদল ডুগুৰী বজোৱা হয় এনেদৰে --মাদল----ঘ্ৰিম চাং ঘ্ৰিম চাং
ডুগুৰী---টুকুৰ টুকুৰ টুকুৰ টাক |
খৰ তালতঃ
মাদল--- ঘ্ৰিম চাং ঘ্ৰিম ঘ্ৰিম চাং
ধাক্কাত বজায় ---টাক টাক টাক
ডুগুৰী--- টুকুৰ টুকুৰ টাক টাক টুকুৰ টাক
মাদল---ডুগুৰী তালক লৈ এটি গীত পোৱা যায়----
ডুগুৰী বোলে টুকুৰ টুকুৰ
মাগল বোলে চাং
চাওঁ অই ৰাইজসকল
আমি নাচি যাং |
📝হেমেন হাজৰিকা,মিৰ্জা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ