দেউতাৰ পদূলিত
গোন্ধাইছে মাধুৰী
কেতেকী মলেমলায়
ঐ গোবিন্দই ৰাম…. ৷
দিবাকৰৰ ঢোলৰ মাত শুনি ইতিমধ্যে মাক বাপেকেও আহি হুঁচৰিত যোগ দিলে এনেদৰে হুঁচৰি চলি থাকোতে নিতু আৰু কেইটামান শিশু বিহু সাজেৰে আহি পালেহি সিহঁতেও হুঁচৰিত যোগ দিলেহি লগেলগে ঘৰৰ পৰিৱেশ এটা বিহু তলীলৈ পৰিবৰ্তন হ'ল হুঁচৰি শেষ হোৱাৰ লগেলগে নিতুৱে বিহু যোজনা এটি আৰম্ভ কৰিলে
ঐ চকলা টেঙাটি
অকলে নাখাবা
ঐ আমাকো এচকল দিবা
ঐ বিহু মাৰিবলৈ
অকলে নাযাবা
ঐ আমাকো লগতে নিবা… ৷
নিতুৰ যোজনা সামৰাৰ লগেলগে ঢোলৰ চাপৰত গগণ কঁপাই তুলিলে ৷ ঢোলৰ ছেওতে ছেও মিলাই নিতু আৰু তাইৰ লগত অহা শিশু নাচনীৰ লগতে দিবাকৰৰ মাকেও ঘিলা ঘূৰাদি নাচিবলৈ ধৰিলে সত্যমেও নিজকে ৰখাব নোৱাৰি মবাইল স্টেণ্ডত লগাই বিহু নাম এটি জুৰিলে
ঢোল পেঁপা গগণা
লৈ আহিছো বহণা ৷৷
আহঁতৰ তলৰ
বিহুতলীলৈ
যাবানে জান ওলাবা ৷৷
লগেলগে নিতুৱে এই গীতৰ উত্তৰত গালে
ঢোল পেঁপা গগণা
লৈ আহিছা বহণা ৷৷
কৰ'না ভাইৰাছৰ আতংক
লকডাউনৰ সময়ত
যাওঁ বাৰু কেনেকৈ কোৱা ৷৷
এনেকৈ অসমৰ বাপতীয়া ৰঙালী বিহুটিক ঘৰৰ ভিতৰতে ওলহমালহেৰে উদযাপন কৰিছে আমাৰ অসমীয়া ৰাইজে শেষত আপোনালোকলৈ হিয়াভৰা নৱ বৰ্ষ আৰু ৰঙালী বিহুৰ সুলভ যাচিলোঁ দিবাকৰৰ দেউতাই ফেচবুক লাইভৰ যোগেদি অসমবাসীলৈ ৰঙালী বিহুৰ শুভেচ্ছা জ্ঞাপন কৰি বিহু নাচ সামৰাৰ নিৰ্দেশ দিলে বিহু নাচ সাদৰাৰ পাছত দিবাকৰৰ মাকে লৰালৰিকৈ ভিতৰলৈ গুচি যায় সত্যমে নিতুক বিহুৰ শুভেচ্ছা যাচিলে আৰু নিতুৱে সত্যমক বিহুৰ শুভেচ্ছা যাঁচিলে আৰু নিতুৱে ক'লে " আপুনি জানেই চাগে লকডাউন আৰু ১৯ দিনলৈ মানে তিনি মে ২০২০ তাৰিখলৈকে বৃদ্ধি কৰিলে ভাৰত চৰকাৰে " এনেতে দিবাকৰৰ মাকে চাহ আৰু পিঠাপনাৰে ভৰা প্লেটকেইখন লৈ আহিলে আৰু ক'লে ৰাইজ বিহু জলপান এইয়াই যি পাৰিলোঁ তৈয়াৰ কৰি আগবঢ়াই দিলোঁ " সকলোৱে চাহখোৱা আৰম্ভ কৰিলে ৷
আগলৈ
📝 দুলাল ৰবিদাস
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ