মোৰ বাল্যকালটো ওভতাই দিয়া

Rinku Rajowar
0
সময়ৰ বুকুত 
বালিচৰত খোদিত হ'ল
মোৰ হেপাঁহৰ দিনবোৰ 

মোৰ বাল্যকালটোত 
নাছিল কোনো সুখ-দুখৰ সংজ্ঞা 
নাছিল কোনো ধনী-দুখীয়া,  উচ্চ -নীচ্চৰ ভাব.... 
আজিৰ দৰে নাছিল কোনো ধৰ্ম-বৰ্ণৰ বিভেদ
নাছিল স্বাৰ্থপৰতাৰ কোনো  ইংগিত। 

মোৰ বাল্যকালটোত 
মৰমেই মৰম আছিল
আইৰ বোপাইৰ কঠোৰতাতো
ৰঙীণ সপোনবোৰে বাস সাজিছিল
মোৰ ভৱিষ্যতৰ গঢ় দিয়াত
তেওঁলোক ব্যস্ত আছিল 

মোৰ জীৱনৰ ৰংবোৰ
বন্ধু -বান্ধৱীৰ স'তে কৰা
তামোলৰ ঢকুৱাৰ টনাটনি খেল,
ৰবাব টৈঙাৰে খেলা ফুটবল
নতুবা চেংগুটি-হেতালিৰে আকাশ সাজিছিল 

মোৰ বাল্যকালটোত নাছিল
বৃহৎ অট্টালিকা নিৰ্মাণৰ স্বপ্ন 
মোৰ জীৱনৰ পৰা পিতৃ- মাতৃক
পৃথক কৰাৰ চিন্তা 
মানুহে মানুহৰ মাজত কৰা বিভেদৰ বীজ........ 

মোৰ বাল্যকালটো ওভতাই দিয়া 
প্ৰেমৰ বালিৰে সাজিম মোৰ জীৱন।

📝দীপাৱলী কুৰ্মি

Post a Comment

0Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment (0)