জীয়াই থাকোতেই - মােৰ চিতা

জীয়াই থাকোতেই

তুমি , 

মােৰ শৰীৰত কিয় (?) 

বগা কাপােৰ ঢাকি দিলা  ।

আৰু আজি কিহৰ প্ৰস্তুতি কৰিছা

-কিহৰ চিতা সাজিছা (?)

মােৰ "জীয়া শৰীৰতো"  কিয় 

চিতাৰ ওপৰত তুলি দি

মুখাগ্নি কৰিছা ?

মােৰ শয়ন কক্ষৰ 

ছবিখনত কিয় (?) পিন্ধালা

"ফুলৰ মালা" ,

মই -বুজি পালাে আৰু বুজি নাপালো

সন্দেহৰ আবৰ্তত।

তােমাৰ নিভৃত কােণৰ অন্তৰ - আত্মাৰ

লগত কথা পাতি - কােৱা মােক,

" সেই কাৰণ " - মােৰ বাবে তুমি কিয় জীৱন্ত চিতা সাজিলা ?

তেতিয়াও 

সুখ পাম  কিজানি-

"যেতিয়া সঁচাকৈয়ে মােৰ শ্বাসৰূদ্ধ হ'ব"

তেতিয়াহে মােৰ আত্মাই শান্তি পাব ।

মােৰ আত্মাৰ শান্তিৰ বাবে 

তোমাৰ নিভৃত কােণৰ কথাখিনি

কোৱা (?) 

কিয় তুমি অসন্তুষ্ট মােৰ ওপৰত ।

তেতিয়া - এই  মায়া এৰি গুচি যাম,

তোমাক আৰু আমনি নকৰো - কোনোদিন ।

কিন্ত,

"এনেদৰে

নাসাজিৱা মােৰ বাবে জীৱন্ত চিতা" ।

নাসাজিবা জীৱন্ত চিতা ॥

📝মীনা পামে গাম