দেহৰ তেজ পানী কৰি
দুমুঠি দুবেলাৰ বাবে
আহিছিলো অসম দেশত ৷
ওখোৰা মোখোৰা সমান কৰি
পাতিলো সুন্দৰ চাহৰ বাগান
আজি মই দুখত আছো
খাইছোঁ নে ভোকত আছো ৷
সুধোতা নাই যে কোনো
চাহ বাগানৰ চাহশ্ৰমিক মই
মোৰ জীৱন বৰ কষ্টকৰ
হ'লেও সহ্য কৰি ৷
ৰ'দে বৰষুণে কাম কৰি
অসমক কৰিছো চহকী
নালাগে নজ্বলে যদি নজ্বলক
মোৰ ভংগা পঁজাৰ চৌকা ৷
বৰষুণ পৰে যদি পৰক
মোৰ ঘৰৰ চালখন যে ফটা
আজি মই নিৰক্ষৰ
এদিন হব মোৰ সন্তান স্বাক্ষৰ
তেতিয়া জিনি লম জগতখনি
উপভোগ কৰিম
জীৱন ময়ো বিলাসিতাৰ ৷৷
📝দুলাল ৰবিদাস
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ