তোমাক সহস্ৰ চালাম

ৰ'দে পোৰা

তোমাৰ গাৰ বৰণ

বৰষুণত তিতা

মলিয়ন সাজ

খহটা তলুৱা

আৰু বেকেতা নখ

তোমাক চিনাৰ

সহজ উপাদান ।

কপালৰ ঘাম

যেতিয়া মাটিত পৰে

কোনোবা হয় সম্পদশালী ।

বনকচু ঢেকীয়াৰ আঞ্জা

কেতিয়াবা পইটা ভাত

তোমাৰ ইন্ধন ।

থাকিব পাৰে জানো

আকাশলঙ্ঘা অট্টালিকা

কিম্বা বৃহৎ এটা 

বেংক বেলেঞ্চ তোমাৰ ?

সংসদ ভৱন

তোমাৰ কষ্টৰেই ফচল

নহয় জানো ?

কিন্তু তুমি আজি ক'ত ?

মেহনতিক মোৰ

সহস্ৰ চালাম ।

📝সৌৰভ কুমাৰ বৰুৱা