খবৰটো আহিল
হাৰাঘাটৰ পৰা
এচালনী পানী আনি
পদুলীটো ধুব লগে |
গধুলী পৰত পূব মুৰত
বজাব লাগিব ডবা
শাকত লোণ নেখালে
পিতিকাত আধ্যা পৰে |
সঁচা বাতৰিও উৰে
উৰা বাতৰি
পিয়াপি দি ফুৰে |
হাৰাঘাটে এতিয়াও উচুপে
বহু বাতৰি বাতৰি
হৈয়ে ৰ'ল
পানী আনিবলৈ
চালনীও বোৱা নহ'ল |
পদুলীটো পৰিস্কাৰ নহল
হা হুমুনিয়া
কাঢ়ি কাঢ়ি
অতীত সুঁৱৰি থাকিল |
চালনীৰে পানী
কোনে আনিব
পাকৈতজন বিচৰাৰ
খবৰটো কাকো দিয়া নহ'ল |
📝 হেমেন হাজৰিকা ,মিৰ্জা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ