আশাৰ কঠীয়া

 

যোৱাবছৰ দোকোলটকা বানে 

তাৰ সপোনবোৰ খৰ্বস্বত কৰাৰ কথাবোৰ 

সি পাহৰা নাই 

কিদৰে চকুৰ আগত ডুব গৈছিল

গৰ্ভৱতী পথাৰখন

চাৰখাৰ হৈছিল আশাবোৰ ।

অথচ তাৰ মনত আকৌ গজিছে

হেপাঁহৰ গছ

হয়তোবা জীৱনদায়িনী পানীয়েও

নিজৰ যৌৱনৰ উচ্ছল গতিত

হ'ব পাৰে বিষাদৰ বান....... 

শইচৰ আশাবোৰেও তেতিয়া 

বোৱাইছিল 

চকুলোৰ বান।

তাৰ পিছতো 

তাৰ আশাবোৰ আজিও সেউজীয়া 

হেপাঁহৰ স্বপ্নৰে সি সিঁচিব

আশাৰ কঠীয়া

লানি লানিকৈ ৰুই যাব

সম্ভাৱনাময় 

জীৱনৰ সঁচ।

📝দীপাৱলী কুৰ্মি