ঘটনাটো ঘটিছিল!
পাহাৰটোৰ হেলনীয়াৰে
বুৰ যোৱা এটা বেলিৰ
দৰে গুছি গৈছিল তাই ৷
যিবোৰ কথাই আজিকালি
মোৰ মনটো কুটি কুটি
খাই,
উশাহবোৰো ঘন হৈছে
ঘন হৈছে....
বহুত বেছি ৷
আমাৰ সম্পৰ্ক আছিল
এখন নদীৰ দৰে,
অথচ
এতিয়া মই সেই নদীৰ
এখন শূন্য পালতৰা
নাও ৷
যোৱাৰাতি কি
দেখিলো সপোনত!
চাওঁ নেচাওঁকৈ
তোমাৰ চকুলৈ
চালোঁ,
অ'মোৰ প্ৰিয়তমা
চকু মেলি চোৱা ৷
যিহেতু আমি কাহানিও
এটুপিও চকুপানী নুটুকিলো,
আজি এটুপি চকু পানী
দিয়া
একেলগে কান্দো দুয়ো ৷
কিয় ইমান বিষাদ,বিষণ্ণতা!
গোটেই ৰাতি টোপাটোপে
মোৰ চকুৰ পৰা
পানী পৰিছিল ৷
তুমি ক'ত
তুমি
মোৰ
স্বপ্ন-দুঃস্বপ্ন ৷
📝প্ৰণৱ খাৰজাৰা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ