গাঁৱত নাপাৱা ।
গাওঁখনি আমাৰ
সচাঁকৈ আপোন ।
গাঁৱৰ সচাঁ জীৱন
সোণালীময় দিন ॥
গাঁৱে নিদিলে
চহৰে ক'ত পাব ?
ভৰালৰ ধান
সমাজৰ মান ।
বাৰীৰ লাও - কোমোৰা
শাক-পাত
কচু -জলকীয়া
পচলা-কলডিল
জিকা -ভোলৰ জেং,
বাৰিষা কালৰ
ভেন্দি - মৰিচাৰে
ভৰা বাৰীখনিয়ে
কেনেকৈ তৰায়
মানুহৰ জীৱন ।
সৰল মন ।
পুখুৰীত নাই যদি
মাছ পুঠি-
পথাৰৰ খালত
জাকৈকে বা ।
এসাজৰ হলেও
পাবি যা ।
যোগেনৰ জাল
পুখুৰীত পৰিলে
ৰৌ - ঔৰে
খাব পাৰিবি
মাছৰ জোল ॥
যোগেন আৰু চেনিমাইৰ
অভাৱেই নাই ।
ভৰালৰ সিপাৰে
আদা - হালধিৰ বাৰী ।
পুখুৰীৰ পাৰত
নাৰিকলৰ শাৰী ।
ঘৰৰ উত্তৰে বাঁহ
দক্ষিণে চৰে হাঁহ ॥
শৰৎৰ জোনাকত
জিলিকে চালত
বগা কোমোৰাৰ জাক ॥
চেনিমাইৰ পিৰালিত
কণ জলকীয়া,
ভূত জলকীয়াই
মোক খা
মোক খা
কৰে ॥
চেনিমায়ে
দুপৰৰ
ভাত ঘুমতিত
শুনা পায়
অমিতা গছত
চৰাইৰ কোৰ্হাল ॥
বহাগে পেলোৱা
জেঠে গছকা
কেচা আম
বৰমাকে কাটে ॥
বাৰীৰ কঠাল
লিচু আৰু জাম
নাখায় হেনো
পোনাকণ হঁতে,
সিহঁত কল্কি যুগৰতো
মহিমা বুজিৱ ক'ত ॥
কৰোঁ বুলিলে
গাৱঁৰ বাৰী
কৰিব পাৰিবা
উভৈনদী,
যদিহে হোৱা
কৰ্মযোগী ॥
📝মীনা পামে গাম
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ