ঘৰলৈ যাওতে
তোমাক কলিজাতো দি গৈছিলো ।
ঘূৰি আহি দেখো
কলিজাতো নাই - তুমিও নাই ।
মই, তোমাক
আৰু মোৰ কলিজাতো
বিছাৰি হায়ৰাণ হৈ গৈছিলো ।
সকলোকে শুধিলো
কোনেও নাজানিলে ।
তুমি মোৰ ৰঙা কলিজাতো
বুকুত লৈ আছিলা আৰু
তোমাক বগা কাপোৰেৰে ঢকা আছিল ।
কেনেকৈনাে আনো কলিজাতো
তোমাৰ বুকুৰ পৰা কাঢ়ি ?
আনিব নোৱাৰিলো ।
ময়ো, তোমাৰ বগা কাপোৰৰ মাজত শুই দিলো - পাছৰখিনি মনত নাই ॥
📝মীনা পামে গাম
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ