লেকেচিয়া সপোন

লহপহকৈ বাঢ়ি অহা

মোৰ হৃদয়ৰ

সেউজীয়া সপোন বোৰ

হঠাৎ আজি কেনিবা

আঁতৰি গ'ল

জোনাক ৰাতি

শব্দৰ বৰষুণত তিতি বুৰি

বিচাৰি ফুৰিছো মই 

সন্ধান পোৱা নাই 

বাউলি ব'তাহ জাকে মোক

কাণে কাণে কৈ যায়

আহিনৰ সেউজীয়া 

গাভৰু পথাৰখনৰ বুকুত

নকৈ গজালি মেলিছে তোমাৰ

সেউজীয়া হৃদয়ৰ

লেকেচিয়া সপোন বোৰ ৷

যোৱা বুটলি আনা গৈ

তেজস্বিতা থকা অৱস্থাত ৷

নিবিড় জোনাক ৰাতি

দুটি নয়নত আঁকি লোৱা

তোমাৰ দীপ্তি ৷

তেহে নিগাজি হ'ব

লহপহলৈ বাঢ়ি অহা

তোমাৰ বুকুৰ সেউজীয়া

সপোন বোৰ ৷

📝বিনিতা বৰা

হোজাই জিলা

লংকা কাকী-৩