আত্মজ্ঞান

মাজৰাতি চোতালত অকলে বহি আছোঁ ।

অৱচেতন কৰ্মেন্দ্ৰিয়ত কামনাৰ কিৰিলি 

ক্ষণিকৰ আলিঙ্গন বিচাৰি বিচাৰি 

আত্মজ্ঞান বলিদান দিওঁ 

তোমাৰ বক্ষ , নাভি ,

ঊৰু আৰু নিতম্বৰ

কাতৰ বন্দনাত ।

অকস্মাৎ ৰজনীৰ নিৰ্জনতা ফালি 

কোনোবা মাতাল প্ৰেমিকৰ বেসুৰীয়া ধ্বনি 

ঢলং - পলংকৈ মোৰ সন্মুখৰ পথটোৰে 

পাৰহৈ যায় ।

ৰাতি ৰাতি নিয়ৰ ফালি যোৱাতকৈ 

ধেৎ মদ খাই শুই থকাই ভাল ...!

মাজে মাজে কৈ যায় সি ।

জোনাক নোহোৱাৰ বাবেই 

আত্মজ্ঞান ঘুৰাই পাই সি 

আন্ধাৰ যে কি অদ্ভুত ...!

লাহে লাহে অনুভৱ কৰিছিলোঁ 

মোৰ শৰীৰৰ উত্তাপ ।

 📝বিকি নেওগ 

বৰখঙীয়া , যোৰহাট - ১৭