গাড়ীয়ে ঢুকি নোপোৱা গাওঁখন
বিজুলীয়ে ঢুকি নোপোৱা গাওঁখন
ডাক্তৰ নেদেখা গাওঁখন
হাইস্কুল নেদেখা ঠাইখনত
আজি নিৰ্ব্বাচনী প্ৰচাৰৰ আখৰা ॥
মানুহবােৰ দৌৰিছে
ৰভাৰ তললৈ
আজি ভােজৰ আখৰা
নিৰ্ব্বাচনী ভাওনাৰ ।
মুনিহ- তিৰোতা
ডেকা-ডেকেৰীৰ হাতত
প্ৰচাৰৰ কাগজ ৷
নিৰ্ব্বাচনৰ বিহু ঢােলৰ চেওত🙏🙏
গাওঁখনক নচুৱাব বিচাৰিছে ।
৭৩ সংখ্যক স্বাধীনতাৰ পাচতো
উন্নতিয়ে ঢুকি নোপোৱা গাৱঁত আজি
চাৰিচকীয়া গাড়ীৰ ধুলিয়ে🚙🚙🚗🚗
গাৱঁৰ বাট-পথ চানি ধৰিলে ॥
চাৰিচকীয়া গাড়ীৰ বামপাৰত
শিশুবােৰ উলমি যায়
প্ৰচাৰকৰ দলৰ ধমকনিত
নামি যায় শিশুবােৰ - কাৰণ সিহঁতে গাড়ী দেখা নাই ॥
চন্দ্ৰলৈ যোৱাৰ সপোন দেখা দেশ আৰু
কাপোৰ নিপিন্ধা দেশৰ মাজৰ ব্যৱধানৰ
উত্তৰ কি ?
দুবেলা দুমুঠি
শীতত চোলা
আৰু নিবিচাৰে সিহঁতে ॥
একুৰি বছৰেওঁ
পকীপথ নোপোৱা
দুৰ্ভগীয়া গাওঁবােৰ
তহঁতৰ ভােটৰ মূল্য
কবাত বিছাৰি পাইছনে?
কিমান ঠগন খাবা
প্ৰচাৰকৰ দলবােৰৰ ।
দামোদৰ বিপ্ৰৰ দলৰ কথা নুশুনিবা
কথাৰে ভুবন ভুলোৱা
কাহীত নিমখ ভাত দি
অমৃত বাক্যৰে
তোমালোকৰ আঙুলিত ক'লা দাগ দিব বিচাৰে
আৰু কিমান নিমখ ভাত খাবা ।
শ্ৰমিকৰ দেহৰ ঘামেৰে
শ্ৰমিকৰ ভৰিৰ তেজেৰে লিখা চিঠিখন পঢ়িব নাজানিলে ।
নকপিল হৃদয় শ্ৰমিকৰ বাবে ॥
কপিল হৃদয়
কোটিপতি সন্তানৰ
কৰোনাৰ কান্দোনত ॥
লক্ষ লক্ষ গাওঁবাসীৰ
আজি ৰোজগাৰ বন্ধ ।
কাৰ বাবে ?
গাওঁবাসী,
হাতখনত ৰং লগোৱাৰ আগতে
এবাৰ চিন্তা কৰা ॥
📝মীনা পামে গাম
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ