এটি সোণবৰণীয়া প্ৰভাতলৈ

মোৰ নিস্তব্ধতাৰ মালাধাৰিক 

স্পৰ্শিলে এপাহ ৰজনীগন্ধাই,

নিসঙ্গতাৰ অঙ্গিনাক জীপাল কৰিলে এজাক বৃষ্টিৰ বন্যাই,

উকা অন্তৰক শীতল মলয়াই 

লজ্জাৰে আৱৰিছে,

কাৰাৰুদ্ধ দেহে সোণাৰুৰ দলিচাত বাগৰ সলাইছে।

জোনাকীয়ে বাৰে বাৰে যোগাইছে সমল 

হাঁহিৰ খলকনিৰ,

পালোঁ সুবাস মই

এটি সোণপখিলীৰ।

ই যে নহয় কোনো

ঘোপা অন্ধকাৰৰ ক্ৰন্দন,

এইয়া উজ্জ্বল প্ৰভাতৰ 

এক সোণবৰণীয়া বাতাবৰণ।

                

   📝 সুদ্বীপ্তা বৰুৱা