ঘৰবাৰীৰ লগতে মানুহৰ মনধোৰ
জ্বলিছে সকলোৰে হৃদয় ।
বানপানী, ধুমুহা, মহমাৰী, অগ্নিকাণ্ড আৰু কত যে কি৷
সকলো মানুহৰে
অগ্নিৰ ফিৰিঙতিৰ উৰি গ'ল
পক্ষীৰ জাক -মাগুৰী বিল
সেউজীৰ বুকুখন ছাই হৈ গ 'ল ।
সপোনৰ ঘৰখন হেঁপাহৰ বাৰীখন
সকলো দেখোন ভস্ম
সকলো আশ্ৰয়হীন ,বাকৰুদ্ধ
জৈৱবৈচিত্ৰৰ সেউজীৰ কোলা ডিব্ৰু-ছৈখোৱা
শত সহস্ৰৰ আৰ্তনাদ ৷
আৰু কিমান ধ্বংস লাগে
ধোঁৱাৰ কুণ্ডলীৰে আকাশ ছানি
সৃষ্টিক কৰিলে ভস্ম
জাহ গ'ল আশাবোৰ , আকাঙ্খা , সপোন
মানুহকেই সৃষ্টি....সৰ্বনাশী।
জুইৰ লেলিহান শিখাত মৃত্যু উপত্যকা
আৰ্তনাদ ডিব্ৰু-ছৈখোৱাৰ ৷
শুনি কান্দিছে সকলোৰে হৃদয়
মাগুৰিৰ চকুলো হৃদয়ে হৃদয়ে
ম্ৰিয়মান কবিৰো হৃদয়
সকলো আজি জাহ গ'ল পনীয়া সোনৰ অগ্নিশিখাত ৷
📝ৰুমী কলিতা দত্ত
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ