বতাহজাক গছৰ পাতত
ওলমি ৰ'ল
পৰো নপৰোকৈ আছে
বতাহ ৷
বতাহ আকলোৱা
নৰমনিচ জাকে
সেপ ঢুকি ঢুকি
ওপৰলৈ চাই আছে ৷
আশাত চটফটাইছে
পিঠিত ঘামুচিয়ে
চিট্ চিটাইছে ৷
তথাপি
আশাত বন্দীবোৰে
বিচনীৰ বা পাহৰিছে ৷
এই গৰমতে
বজাৰত কঠাল ওলাইছে
জেঠুৱা গৰমে
কঠাল পকাইছে
ছটফটনিত লোকে
আওৰাইছে
উসঃ বৰ গৰম ৷
📝 হেমেন হাজৰিকা
মিৰ্জা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ