মাতৃ

মাতৃক হেৰুৱাওতে

গমেই পোৱা নাছিলো

আঁৰে আঁৰে

বিছাৰি ফুৰিছিলো

তোমাৰ ছৱি ।

নেদেখিলো

তোমাৰ ছায়া - ছৱি ।

তুমি মাথো মােৰ 

অনুভূতি হৈ থাকিলা জীৱনত ।

বাস্তৱত মোক নুৱাই - ধুৱাই

থিয় হবলৈ শিকালে যিয়ে

তেওঁ মাহী -মা ।

মোৰ প্ৰতিটো দুখত দুখী

মোৰ প্ৰতিটো সমস্যাৰ 

অংশীদাৰ হোৱা তুমি ।

মোৰ বাবে তুমি কি কৰা নাই

তুমি মোৰ শোকত দুখী ।

সেই মহান হৃদয়ক

কেনেকৈ অৱজ্ঞা কৰো ।

মােৰ মাহী -মা মহান

তেওঁৰ পদ ধুলি

মোৰ জীৱনৰ আশীৰ্ব্বাদ ।

মােক পৃথিৱীত থিয় দিবলৈ

শিকালে তেওঁ মোৰ মাহী - মা নহয়

"তেওঁ মােৰ মা" ।

কোনেও নকবা মাহীমাক বুলি -

"মােৰ মা" তেওঁ।

মোৰ জীৱনৰ প্ৰতিটো উশাহৰ খবৰ ৰাখে

মোৰ জীৱন সংগ্ৰামৰ সতে সদায় জড়িত

মােৰ আই  - মোৰ মা 

মোৰ জীৱন ৰক্ষাকৰ্ত্তা ।

🖍মীনা পামে গাম