কজলা আকাশ

©Admin
0
কজলা আকাশৰ
    তলত বহি বহি
         পাতিছে সিহঁতে মেল ।
              কৃষ্ণচূড়াক সাক্ষী কৰি,
                   সিহঁতে কৰিছে আলাপ ।

ধুমুহাই দিয়ে অজান পুলক
     ভাল পাওঁ তাৰ গতি
          শীতল বতাহে পৰশ সানি
               বান্ধে দুয়োকে আঁতি আঁতি ।

বিজুলী-গাজনি যিমানে আহে
    জিলিকে দুয়োৰে ৰং
         কজলা আকাশৰ তলতে সিহঁতে
              সাঁজিছে জীৱনৰ ৰং।

সোণাৰুৱে দেখি,
      মিচিকিয়াই হাঁহিছে
           পাতিছে সিহঁতে কিনো মেল,
                নিবিড় মায়াৰে সিহঁতৰ
                   গভীৰ কিনো প্ৰেম ।

আকাশত ওলাইছে
     সাতো ৰঙী ৰামধেনু
         বেলি ডুবিবৰ হ'ল
              সেউজীয়া হৃদয়ে 
                    প্ৰাণভৰি কথা পাতি
                         বিষাদ মনেৰে দুয়ো
                               উভতি গ'ল ।।

📝বিনিতা বৰা
হোজাই জিলা
লংকা (কাকী -৩

Post a Comment

0Comments

নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ

Post a Comment (0)