শীতত তৃষ্ণাতুৰ নদীৰ -
আজি উচ্ছল নৃত্য ।
উন্মাদ তৰংগৰে - উন্মাদিনী নদীৰ গান ।
গুৰু গম্ভীৰ নদীৰো থাকে দুষ্ট বাসনা ।
নদীৰ নৃত্য - আমাৰ হৃদয়ৰ জ্বৰ ॥
বিশ্বাস কৰিব পাৰি জানো
অসীমৰ নদীখন ।
বিশ্বাস হেৰুৱাই
অবিশ্বাসৰ পাত্ৰ হ'লা ॥
তোমাৰ হৃদয় গহ্বৰ ৰহস্যময়
বুজিব নোৱাৰি তোমাৰ চাকনৈয়া ।
'নদী' , তুমি নাৰী হয় জানো
বিশ্বাস নহয় ।
বিশ্বাস কাহানিবাই
হেৰুৱাই পেলাইছা ॥
তোমাক দেখি ভয় খাইছাে
হাড়লৈকে ভয় সোমাইছে ॥
কাৰ সুখ কাঢ়ি নিয়া নাই তুমি,
মাত্ৰ নিজে সুখী হবলৈ শিকিলা
কাকো নুবুজিলা ॥
আজি, তুমি আনাকোণ্ডা
নদীৰ নাম আনাকোণ্ডা ॥
অজগৰৰ দৰে গিলি লোৱা সকলো,
নৃত্যৰতা নদীয়ে কি ভাৱে
আমিতো নাজানো ॥
অযুত দুখৰ কঠীয়া সিঁচি থৈ
বৈ গৈছা তোমাৰ পিতৃগৃহলৈ ॥
যোৱা যোৱা, তুমি যোৱা গৈ
আমি ছমাহ হলেওঁ
সুখেৰে থাকোচােন ॥
📝মীনা পামে গাম
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ