অনুতপ্ত

নীলা শাৰীখন পিন্ধি

খৰখেদা খোজেৰে তুমি

আগুৱাই যোৱা সেই এটি দিন ।

কাঁজল সনা চকুযুৰিৰে

লাজুক- লাজুক চাঁৱনিৰে

মোলৈ চায় মৰা

খোল-পৰা সেই হাঁহিটি

আজিও মোক আমনি কৰে ।

সেই দিনাই অজানিতে মই

তোমাৰ প্ৰেমত পৰিছিলো,

কি ৰাতি, কি দিন

তুমি মাথো তুমি ।

মোৰ উশাহতো, মোৰ নিশাহতো

মোৰ প্ৰতিটো স্পন্দনত তুমি ।

হঠাৎ সেই এটি দিনে

মোৰ হিয়াৰ জুপুৰিত

ধুমুহাই থান-বান কৰিলে ,

তোমাৰ আজন্ম প্ৰেমিক হোৱাৰ সপোন,

মাথো সপোন হৈ ৰ'ল ।

হয়তো মোৰে ভূল আছিল

তোমাৰ অনুমতি বিনে

তোমাৰ প্ৰেমত পৰিছিলো ।

আজিও মই তোমাৰ 

আজন্ম প্ৰেমিক ।

🖋️বহাগী কৰ্মকাৰ

সাপেখাতী, চৰাইদেউ