শাওনৰ অনুৰাগী সুৰ

চোৱাচোন চোৱা 

শাওনী পথাৰৰ সেই মনোমোহা দৃশ্যটি ,

প্ৰাণ পাই উঠিছে যেন আজি পথাৰখনে ,

সজাই তুলিছে সমগ্ৰ ধৰণী নিজৰ সেউজী ৰঙেৰে ।

ন ভুঁই ৰোৱলৈ অহা 

ৰোৱনিৰ‌ সেই আধাবন্ধা খোপাতি,

কামৰ মাজতে কথাৰ ৰস লৈ

খিল-খিলকৈ হঁহা সেই হাঁহিটি ।

কত যে মনোৰম এটি পৰিৱেশ 

সকলো যেন জীপাল হৈ উঠিছে ,

বাজিছে এক অনুৰাগী সুৰ ,

জাগিছে  নতুন আশা ,

এক নতুন উদ্দীপনা ।।

শব্দৰে বুজাব নোৱাৰা ,

ভাষাৰে বৰ্ণাব নোৱাৰা ,

অনুভূতিৰ মধুৰতা 

শাওনীৰ সেই সেউজী পথাৰত ৷

✍️স্বাতী জয়ছোৱাল

নাহৰকটীয়া , ডিব্ৰুগড়