ভূমিকা আৰু প্ৰস্থিতি

চহা জীৱন প্ৰিয়

অথচ সাক্ষীৰ অংশীদাৰীত্ব বিচাৰি

মই এপাক যাম বুলি ক'বলৈও ভয় !

আনদিনাৰ দৰে

প্ৰকৃতিয়ে নিস্বাৰ্থভাৱেই স্নেহপৰশ যাঁচিব ।

অভিমানৰ ওৰণি টানি

ক্ষণিকৰ উপস্থিতিত পাৰ্থিৱ সম্পদৰাজিয়েও 

কৰ্কশ স্পৰ্শানুভূতি জগাব ।

অৱশ্যে শ্বাশ্বত সুঘ্ৰাণৰ আমোলমোলত

উপেক্ষাবোৰ ডুব যাব আন্তৰিকতাৰ 

উশাহত ।

কিন্তু , অনুগ্ৰহ কৰি প্ৰাপ্তি-অপ্ৰাপ্তিৰ 

বীজগণিতীয় সমীকৰণবোৰৰ প্ৰসংগত

আপুনি মোৰ সৈতে মতবিনিময় নকৰিব ।

অন্যথা , সমন্বিতে কেনকৈ বজাই ৰাখিম 

ভূমিকা আৰু প্ৰস্থিতিৰ গুৰুত্ব 

কিম্বা তাৎপৰ্য !

📝হিমাশ্ৰী বৰা

তিনিচুকীয়া