বেক পকেটৰ ফুটা

জীয়েক শ্যামলীৰ আমলেট খুৱাৰ আশা পূৰণ কৰিবলৈ দেউতাকে মটৰচাইকেলখন লৈ সন্ধিয়া কণী আনিবলৈ টাউনলৈ ওলাই গৈছিল।যাওঁতে ভায়েকে গা বিষৰ টেবলেট দুটামান আনিবলৈ দিয়া দহ টকীয়া নোটখন চোলাৰ ওপৰৰ পকেটত সোমাই থলে।টাউনলৈ গৈ পাই পোনে পোনে ফাৰ্মাচী এখনত সোমাই প্ৰয়োজনীয় টেবলেটকেইটা  ল’লে।নোটখন উলিয়াই দিওঁতে মন কৰে ঘৰৰ চাবিপাত ওপৰৰ পকেটতে আছে।বাওঁহাতেৰে চাবিপাত উলিয়াই জিনছৰ বাওঁফালৰ বেক পকেটত সোমাই থয়।তাৰ পিছত কেইটামান কণী লৈ ঘৰমুৱা হয়।বাইকখন চোতালত ৰখাই পকেটত হাত দিওঁতেহে কথাটো গম পালে।কিছু সময়ৰ পিছত উপায়হীন হৈ পুনৰ টাউনলৈ ওলাই গ’ল তিনিপাত চাবি থকা এটা নতুন তলা কিনি আনিবলৈ,কিন্ত্ত দৈব্যক্ৰমে গা বিষৰ টেবলেট কিনা ফাৰ্মাচীখনৰ সন্মুখলৈ গৈ পোৱাৰ পিছত যেনিবা নতুনকৈ তলা কিনিব লগা নহ’ল।

📝টোলন তছা

জখলাবন্ধা, নগাঁও