অন্বেষণ

বাটে পথে উজুটি খাই 

নখেদি তেজ উলাই,

সুখৰ ঠাই বিচাৰি পাগলিজনীয়ে

অ'ত ত'ত হাবাথুৰি খাই ।

বিলাসী গাড়িয়ে দ্ৰুত বেগে আহি

তাইৰ মুখত বোকা চটিয়াই ,

আবুল তাবুল বলকে 

এনে ঠাই বিচাৰি যাই

য'ত তাই শান্তি পায় ।

খোৱাৰ লালসাত তাই 

ৰাজপথলৈ ওলাই যায় ,

আভিজাত‍্যৰ প্ৰতীকস্বৰূপ

পথভ্ৰষ্ট গাড়ীৰ খুন্দাত 

তাইৰ প্ৰাণ বায়ু  নিমিষতে হেৰাই,

চাৰি কান্ধত উঠাই 

তাইক স্মশান লৈ যায়,

জীৱনৰ সকলো জঞ্জাল মুক্ত 

এটি জীৱন বিচাৰি পায় ।

✍️নবীন চন্দ্ৰ কুৰ্মী

বৰপাম,চতিয়া,বিশ্বনাথ