প্রাচীন কালৰে পৰা মানুহে সমাজত খেল-ধেমালিক প্রাধান্য দি আহিছে | শাস্ত্রাদিতো বহুত খেল ধেমালীৰ নাম পোৱা যায় | ইয়াৰ পৰা ধাৰণা কৰিব পাৰি যে খেল-ধেমালি মানুহৰ আজিৰ আবিস্কাৰ নাছিল | আবহমান কালৰ বুকুতে খেল-ধেমালিৰো জন্ম হৈছিল আৰু খেল- ধেমালিয়ে মানুহক বিমল আনন্দ প্রদান কৰিছিল | আজিও মানুহ এই আননিদৰ পৰা বঞ্চিত হোৱা নাই আৰু ভৱিষ্যতেও নহয় |
দক্ষিণ কামৰূপ এখনি ক্রীড়ংগনৰ ঠাই হিচাবে স্বীকৃত | আদিম কালত ইয়াৰ মানুহৰ মাজত বহুতো খেল-ধেমালিৰ প্রচলন হৈছিল | তাৰে ভিতৰত পুৰণি কালৰ হাফালা , হাইমাদে , বাটা বা হাতা বাটা , জলে কড়ি , ঘিলা গাটাঘাই , হুদুগুদু , ইত্যাদি খেলৰ নাম কব পাৰি | হাফালা আজি কালিৰ দীঘল জাপৰ লেখিয়া খেল |
দূৰৰ পৰা দৌৰি গৈ মাটিৰ ভিঠাৰ ওপৰত ভৰি দি জাঁপ দিব লাগে | হাইমাদে হৈছে এতিয়াৰ কাবাদী খেল সদৃশ খেল | কুট কুট কৰি চিঞৰি চিঞৰি ইপক্ষৰ খেলুৱৈয়ে সিপক্ষৰ খেলিৱৈক চুব লাগে | বাঁহৰ আলুৰ পৰা বাটা সাজি বাঁহৰ হাঠাৰে বাটা বা হাটাবাটা খেল খেলোৱা হয় | কড়ি এবিধ আমোদজনক খেল | কড়ি খেল ছটা কৰিৰে খেলোৱা হয় | কড়ি খেল বৰ্তমানৰ লুডু খেলৰ নিচিনা | মাঘ বা ভোগালী বিহুত এই খেল খেলোৱা হয় | ঘিলা খেল ঘিলাৰে খলোৱা হয় | এসময়ত পাহাৰুৱা গাৰো সম্প্রদায়ৰ তিৰোতা সকলে ভৈয়ামৰ গ্রাম্যাঞ্চলৈ আহি ঘিলা দি ধান সলাই
নিছিল |
আগলৈ ••••
📝হেমেন হাজৰিকা
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ