তোমাৰ কবিতাতো মোক দুদিনৰ বাবে ধাৰলৈ দিয়াচােন

হে বন্ধু

তোমাৰ কবিতাটাে

মােৰ ধাৰলৈ দিয়া চােন ।

তোমাৰ কবিতাৰ

ৰস চুহি খাওঁ

ইমান সুস্বাদু কবিতা 

ইমান মিঠা মিঠা কবিতা

তোমাৰ কবিতা পঢ়িলে

মােৰ হিয়ামন জুৰ পৰি যাব

সমস্ত দেহৰ ভাগৰ আঁতৰি যাব ॥

হে বন্ধু

তোমাৰ কবিতাতো মােক

দুদিনৰ বাবে ধাৰলৈ দিয়া চােন ॥

 

হে বন্ধু

ভয় নকৰিবা

তোমাৰ কবিতা

মই তোমাক ঘূৰাই দিম

চিন্তা নকৰিবা ॥

হে বন্ধু

ইমান সুন্দৰ কবিতা

পান কৰিলো

অমৃত সদৃশ লাগিল

কবিতাৰ ৰস চুহি

তোমাক নীলা আখৰবােৰ ঘূৰাই দিম

কথা দিছো

ঘূৰাই দিয়াৰ ॥

তোমাৰ কবিতাতো

মই আজি 

জোনাক সন্ধিয়াত পঢ়িম ।

তোমাৰ কবিতাৰে

সন্ধিয়াৰ বা ল'ম ।

হে কমৰেড,

চিন্তা নকৰিবা

কাইলৈ দুপৰীয়া কলিং বেল টিপি

তোমাক দুৱাৰ মুখতে

তোমাৰ কবিতা মই

ঘূৰাই দিম ।

আজি সন্ধিয়া

তোমাৰ কবিতাৰ সতে

মােৰ প্ৰেম ।

থাককচােন মােৰ ওচৰতে

আজি নিশাতোত

"কবিতাৰ ভাৱতে"

হাত বুলাম

থাকি যোৱা

মই ভাল পোৱা "কবিতা" তুমি ॥

হে বন্ধু,

তুমি চিন্তা নকৰিবা

তোমাক কাইলৈ ঘূৰাই দিম

তোমাৰ কবিতা ॥

📝মীনা পামে গাম