একাঠু পানীত ভুই ৰোৱা ছোৱালী তাই নাছিল

একাঠু পানীত ভুই ৰোৱা ছোৱালী তাই নাছিল ৷

তাই আছিল প্ৰাণ চঞ্ছলাত ,

বাউলি বতাহী ৷

 আজি ,

সেইজনী ছোৱালীয়ে শাওণৰ পথাৰত ,

চিপচিপিয়া পানীৰ লগত নিজকে বিলীন কৰি পেলাইছে ৷

এতিয়া তাই জোকৰ আলিংগনলৈ ভয় নাখায় ৷

তাইৰ ৰঙীন দুচকুৰ স্বপ্ন ,

 হেৰুৱাই 

মৃত সমাধীত বহি গাঁঠিছে ফুলৰ সৌৰভ ৷

বোকালৈ ভয় খোৱা তাইজনীয়ে ,

পথাৰ খনত অকলেই সকলো কৰিব পৰা হ’ল ৷

একো কাম নকৰা তাই ,

ব্যস্ত জীৱন এতিয়া ৷

দুচকুত অলেখ  ভালপোৱা লৈ তাই যিদিনা মৰমৰ ,

মাক - দেউতাকৰ ঘৰখন  এৰিথৈ গুচি আহিছিল ,

সেইদিনা তাই জনা নাছিল যে ,

জীৱন জীয়াবলৈ কিমান কঠিন ৷

📝দেৱশ্ৰী ওজা বৰা