এইবাৰ ব'হাগত নাহিবি চেনাইধন

নিশাৰ দৰেই নিস্তব্ধ দিনবোৰ

হৃদয়ত বাজি উঠিছে

এটি বিষাদৰ সুৰ

ফুলিব খোজা কপৌফুল পাহেও

বিচাৰিছে এমুঠি সাম্ভাৱ্যৰ পোহৰ৷

চেনেহৰ ঋতু বসন্তই

মনে মনে সলাইছে বৰণ

আশাৰ ৰংবোৰ বুকুতে সামৰি লৈ

নাই ঢোলৰ ধিনদাও মাত

নাচনীৰ কঁকাল ভঙা ছেও৷

হেপাঁহৰ বিহুটি দুৱাৰদলিত পাওঁ পাওঁ

ৰাংঢালী ৰংমন ঘৰতে আছে সোমাই,অদম্য হেপাঁহবোৰক কাৰাবন্দী কৰি থৈ,

নোৱাৰি যে যাব বাহিৰত ওলাই৷

এইবাৰ ব'হাগত নাহিবি চেনাইধন নেলাগে ল'বলৈ মৰমৰ বিহুৱান 

ঘৰতে থাকিবি,কুশলে থাকিবি

জীয়াই থাকিলে সকলো পাম৷

📝কানন গোস্বামী,ধুবুৰী৷