সময়হীন জীৱন

সোণামুৱা তই আলসুৱা পোণা
      Ran Riyan তোৰ নাম,
জীৱীকাৰ দুহাই দেশান্তৰ হলি
        উভতাৰ নললি নাম।
লণ্ডণ আমেৰিকা জাপান পেৰিচ
      ক'তে বা কি ক'ৰ কাম,
মা-দেউতাৰ অনন্তকাল নামিছে
      ঘনাই লয় তোৰ নাম।
আতুৰ অনামিকাৰ বেলি লহিয়ালে
       অটল অবুজন বেথা,
টিলিঙা মন্দিৰত গৈ দুয়ো এ
     দুয়োকে দি থৈছে হিয়া।
আজিও সোৱৰো ৰাসৰ বতৰত
       ভীমৰ দিছিলি ভাওঁ,
দুশাসনৰ তই ৰক্তপ্ৰাণ কৰ
     অপাৰ আনন্দ পাওঁ।
জনকৰ জীয়ৰী জানকিৰ দৰে
      উপজাৰ ইতিহাস নাই,
ধৰালৈ তোৰ আগমণ ঘটিল
       মা' ৰাৰ বিলৈ নাই।
মা'ৰাই নিজানত নিৰৱে উচুপে
    পোণা মোৰ আহিব ঘূৰি,
দেউতাৰ কথা ক'বই নালাগে
     কি বা থাকে ভাবি গুনি।
বৰ মানুহ হোৱাৰ বলীয়া বাসনা
        আকাশ চুবৰ মণ,
মা-দেউতাৰ আশিস অবিহনে
       অশাৰ হয় সকলো প্ৰণ।

✒ ৰণ জ্যোতি নাথ