আমাৰ পদূলিৰ আঁহতজোপাৰ শোক

দুশ বছৰ ধৰি 

পদূলিমুখত আছিল সুশোভিত

আমাৰ ঘৰখনক 

গ্ৰীষ্মৰ গৰম, ধুমুহা আদিৰপৰা

কৰি ৰাখিছিল সুৰক্ষিত ৷

অহাযোৱা ভাগৰুৱা বাটৰুৱাই

জিৰাইছিল তোমাৰ ছাঁত 

কোনো ভেদাভেদ নাৰাখি 

বিলাইছিলা শীতল বতাহ 

পাই তোমাৰ শীতল বতাহৰ স্পৰ্শ

সতেজ হৈ মনপ্ৰাণ

আনন্দ মুখে পুনৰ কৰিছিল যাত্ৰা

নিজ দিশে ৷

সৰুকালত গ্ৰীষ্ম বন্ধত 

তোমাৰ ছাঁত বহি 

বুঢ়া মেথা লগৰীয়া সৈতে

ক’ত ৰসাল কথা কাহিনী ৷

কিন্তু দুখৰ হে আঁহত 

এজাক ধুমুহাই

 উভালি পেলালে তোমাক

এতিয়া গৰম দিনত

 দিব নোৱাৰা ছাঁ , শীতল বতাহ

কাৰণ তুমি আজি খণ্ড বিখণ্ড ৷

📝দুলাল ৰবিদাস