তুমি বেয়া নাপাবা দেই

তুমি মোলৈ নদীৰ পাৰত বহি

পানীৰ ঢৌবোৰ গণি গণি

মোৰলৈ নকৰিবা অপেক্ষা ।

পানীত উঠা ঢৌবোৰে তোমাক 

দি যায় মোৰ শুভ সংবাদ ।

তুমি বহু দেৰিলৈকে

ঢৌবোৰ চাই চাই

আপোন পাহৰা হৈ

কি ভাবি থাকা ? 

নদীৰ পাৰৰ বতাহ জাকিয়ে

তোমাৰ মেঘালী চুলিকোচা

কৰিছে আউলি - বাউলি ।

তোমাৰ হাতৰ বুলনিয়ে মেঘালী চুলিকোচা

সৌন্দৰ্যময়ী কৰি তুলিছে ।

এই বাৰ বিহুত মই 

তোমাৰ কাষলৈ যাব নোৱাৰিম 

মই যে আইৰ সেৱাত আছোঁ

তুমি বেয়া নাপাবা দেই !

সেইয়া মোৰ কাতৰ অনুৰোধ ।

ৰমেন চাংমাই  ( চাচনী )