ভালপোৱাৰ বিনিময়ত ডেকাই গাভৰুক মৰমৰ চিন স্বৰূপে বা উপঢৌকন স্বৰূপে আগবঢ়াব খোজে মৰমৰ বস্তু | বুকুৰ মৰম জনাই ডেকাই গায়
গাছ কাটং টুং টাং
মাৰ্ কী নদীৰ পাৰত
চকুত লগা খাৰু দিম
ধুপধৰীয়া হাটত |
বিনিময়ত গাভৰুৱেও ডেকাৰ মৰমত সঁহাৰি জনাই মনৰ মৰম যাচে আৰু গীতৰ মাজেৰেই দুয়োৱে বিবাহত সন্মতি দিয়ে |
একো শাক নাপাই নথাই
ৰান্ধি থৈ-চুং জিম্
কাৰো আগত নকবি
ৰাঙা ফালি দিম |
কাকাৰাৰে গাৰাতে
চেং বাহা লয়
তুই নিলে মই যাম
দাদাক নকৰং ভয় |
ডেকা গাভৰুৱে পৰস্পৰক পলুৱাই নি বিবাহ পাশত আৱদ্ধ হোৱা প্রথা ৰাভা সমাজত আছে | ডেকাই কোনোপধ্যে গাভৰুক মান্তি কৰাব নোৱাৰিলে আগৰ কালত আহুদি খুৱাই বা মন্ত্রপুত কৰি নিয়াৰ প্রবাদো আছে |
ৰাভাসমাজত ঘৰজোঁৱাই ৰখা প্রথাৰ উমান পোৱা যায় বগেজাৰীৰ এফাঁকি গীতত | অকল ৰাভা সমাজতে নহয় , অন্য উচ্চ হিন্দু নাইবা অন্য জাতিতো এই প্রথা আছে | বগেজাৰী গীতত পোৱা হয়...
ভীম কলৰ পাত পাচলি
মালভোগ কলৰ পুলি
বাটে পথে বেৰাই ফুৰোং
জাঙয় ৰাখক বুলি |
ঢোকা ৰখা প্রথা ৰাভা সমাজত বিৰাজমান | বগেজাৰী গীতত তাৰেই আভাস দিছে এইদৰে....
শাল পাতৰ কাচেৰাং
নলবাঁহৰ হোকা
আমাৰ ফালে নাহিবি
ৰাখি পেলাম ঢোকা |
আগলৈ....
🖋️ হেমেন হাজৰিকা |
নমস্কাৰ স্বাগতম জনাইছোঁ আপোনাক । লেখাটো বা সংখ্যাটো পঢ়ি কেনেকুৱা পাইছে তলত কমেন্ট বক্সত লিখি আমাক জনাবলৈ নাপাহৰিব । লগতে লেখাটোৰ তলত দিয়া হোৱাটচএপ, ফেচবুক বুটামত টিপি লেখাটো আপোনাৰ শুভাংকাশী সকলৰ সৈতে শ্বেয়াৰ কৰি দিব । ধন্যবাদ