সুগন্ধিত পাৰিজাত গছৰ গুণ ০১

আমি সকলোৱে জ্ঞাত যে পাৰিজাত এটা মূল্যৱান গছ৷ পাৰিজাত ফুলৰ গোন্ধ অতি মোহনীয় যেতিয়া পাৰিজাত গছ এজোপাৰ কাষেত গৈ থিয় হব তেতিয়াহে আপুনি জানিব যে আচলতে পাৰিজাত গছৰ মহত্ত্ব নো কি এই গছ বৰ পৱিত্ৰ গছ বুল মান্যতা আছে ৷ ২০২০ চনৰ ৫ আগষ্ট দিনাখন অযোধ্যাত ৰামভূমি পুজনৰ শুভ মুহূৰ্তত দেশৰ প্ৰধানমন্ত্ৰীয়ে পৱিত্ৰ বৃক্ষ পাৰিজাত ৰোপণ কৰে ৷ এই সামান্য গছ নহয় এই গছক লৈ হিন্দু গ্ৰন্থাৱলীৰ মতে স্বৰ্গৰ ৰজা ইন্দ্ৰই স্বৰ্গত সৰ্ব প্ৰথমে ৰোপণ কৰিছিল ৷

এই গছৰ ফুলৰ ৰং বগা আৰু সুগন্ধি ৷ কবলৈ গ’লে একপ্ৰকাৰে পাৰিজাত ফুল অন্য ফুলতকৈ বেলেগ ৷ এই ফুল সাধাৰণতে ৰাতি ফুলে আৰু ৰাতিপুৱা নিজে নিজে গছৰ পৰা মাটিত সৰি পৰে ৷

পূজা কৰিবলৈ পাৰিজাতৰ সৰা ফুলকেহে ব্যৱহাৰ কৰা হয় ৷

হিন্দু ধৰ্মৰ অনুযায়ী পাৰিজাত ফুলেৰে কৃষ্ণৰ শৃংগাৰ কৰা হয় ৷ দ্বাপৰ যুগত পত্নী সত্যভামাৰ বাবে এই ফুল কৃষ্ণই পৃথিৱীত আনিছিল  বুলিও মান্যতা আছে ৷ পাৰিজাত সমুদ্ৰ মন্থনত উৎপন্ন হোৱা চৈধ্য ৰত্নৰ ভিতৰত এটা ৷

পাৰিজাত হিমালয় অঞ্চলত পোৱা যায় ৷ এই গছৰ উচ্চতা দহৰ পৰা পোন্ধৰ ফুট 

ওখ ৷ পাৰিজাতৰ দৈৱিক গুণৰ লগতে ঔষধি গুণো যথেষ্ট আছে ৷ আপুনি যদি আপোনাৰ প্ৰাংগনত এই গছ ৰোপণ কৰে তেন্তে আপোনাৰ ঘৰৰ পৰিৱেশটো পৱিত্ৰ আৰু শান্তিময় হয় আৰু বহুতো বেয়া বতাহ ঘৰৰ আশেপাশে নাহে ৷  পাৰিজাত ফুলৰ যি অমূল্য ঔষধি গুণ আছে সেই বিষয়ে দ্বিতীয় খণ্ডত আমি আলোচনা কৰিম ৷


📝দুলাল ৰবিদাস








Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send