জনজাতীয় ৰাভাসকলৰ গীত মাত বগেজাৰী-০৭

বিহুগীতত ডেকা গাভৰুৰ মনৰ কথা বিনিময় কৰাৰ নিচিনাকৈ বগেজাৰীৰো তেনে নিদৰ্শন আছে | বগেজাৰী গোৱাৰ ছলতেই ডেকা গাভৰুৱে পৰস্পৰৰ মনৰ ভাৱ প্রকাশ কৰা আৰু তাৰেই অজুহাতত পলুৱাই নিয়া নাইবা বিবাহ পাশত আৱদ্ধ হোৱা ৰাভা সমাজত পৰিলক্ষিত হয় | গাভৰুক দেখি ডেকাই মনৰ ভাৱ ব্যক্ত কৰে | এইদৰে....
     মান চেলেংকা টিউ টিউ
       হিন্দল গাছৰ ডালত
    তোকে দেখি মাছ মাৰং
   মুকল পথাৰত |
    কি দিলুং নিদিলুং গাভৰুক
    কি বুলিলুং তোকে 
    ৰাতিও ঘুম্ টি নাহে
    সপোন দেখং তোকে  |
উত্তৰত গাভৰুৱে মনৰ ভাৱ প্রকাশ কৰে এইদৰে......

   চেপা পাৰং ঘুনি পাৰং 
    মোৱা মাছৰ বাহা
   বন কৰবা আহা যাৱা
   মোকে চাবা আহা  ||
    ধুতি লেম্ লেম্
    চোলা লেম্ লেম্
   কন্ বা দেশৰ হাকিম 
   আমাৰ ফালে নাহিবি
   চকু টিপাই ৰাখিম  | 
   নোপোৱাৰ বেদনাত গা-মন ৰাইজাই কৰা ডেকাৰ হা-হুমুনিয়াহ এইদৰে প্রকাশ পায়
বুঢাৰ বাৰীতে বিহঢেকীয় 

গাঁওবুঢ়াৰ বাৰীতে বিহঢেকীয়া
চুকিদাৰৰ বেটিটা পাম কেতিয়া  |
বয়স গেল মোৰ ভটিয়াই
পুকিল মুৰৰ চুলি
বান্দৰ থোক দিলে মোক 
বিয়া দিম বুলি |  আগলৈ...

  🖋️ হেমেন হাজৰিকা

Comments

সংৰক্ষণাগাৰ

আমাৰ সন্মানীয় লেখিকা সকল

যোগাযোগ

Send